“MONGOLIAN EURO TRUCK” ХХК-ИЙН ХАМТ ОЛОН АЯНД НЭГДЛЭЭ

ЭРДЭНЭТ ХҮНИЙ АМЬ АВАРСАН ЦАГДААГИЙН АЛБАН ХААГЧИЙГ ШАГНАЖ УРАМШУУЛЛАА

Сумын Гэмт хэрэг, зөрчлөөс урьдчилан сэргийлэх ажлыг зохицуулах салбар зөвлөл 2024 оны 02 дугаар сарын 28-ны өдөр сумын ЗДТГ-ын хурлын зааланд 100 хувийн ирцтэйгээр хуралдлаа.

АЙМГИЙН ИРГЭДИЙН ТӨЛӨӨЛӨГЧДИЙН ХУРЛЫН ДАРГА Б.ГАНЗОРИГ БОЛОН АЙМГИЙН ГЭМТ ХЭРГЭЭС УРЬДЧИЛАН СЭРГИЙЛЭХ АЖЛЫГ ЗОХИЦУУЛАХ САЛБАР ЗӨВЛӨЛИЙН ГИШҮҮД ЗАМЫН-ҮҮД СУМАНД АЖИЛЛАЛАА

"НОГООН ГЭРЭЛ ЦАГААН ШУГАМ-2023" ТЭМЦЭЭН ЗОХИОН БАЙГУУЛАГДЛАА

Зам тээврийн осол, хэргийн улмаас иргэдийн амь нас, эд хөрөнгө хохирохоос урьдчилан сэргийлэх, хөдөлгөөнд оролцогчдын буруу дадал, хандлагыг өөрчлөх, зөв үйлдэлд уриалах, иргэдийн эрх зүйн мэдлэгийг дээшлүүлэх, сурталчлан таниулах зорилгоор Цагдаагийн ерөнхий газраас улсын хэмжээнд зохион байгуулагдаж байгаа “НЭГ ЗАМ-НЭГ СОЁЛ” аян нь энэ оны 06 дугаар сарны 30-ны өдрөөс энэ оны 08 дугаар сарын 18-ны өдрийг хүртэлх хугацаанд улсын хэмжээнд үргэлжилнэ.

Замын-Үүд боомт, БНХАУ-ын Эрээн хотын боомтуудад мансууруулах эм, сэтгэцэд нөлөөт бодистой холбоотой гэмт хэргээс урьдчилан сэргийлэх өдөрлөгийн арга хэмжээг Сумын Гэмт хэргээс урьдчилан сэргийлэх салбар зөвлөлийн дарга Н.Алдарбаяр, ЦЕГ-ын харъяа Хар тамхитай тэмцэх газрын Урьдчилан сэргийлэх, Хамтын ажиллагааны хэлтсийн дарга, цагдаагийн дэд хурандаа Б.Батхуяг нар нээж үг хэллээ.

Хуралдаан 2023 оны 01 дүгээр сарын 26-ны өдөр 100 хувийн ирцтэйгээр хуралдаж, дараах асуудлыг хэлэлцэв. 1.Замын-Үүд сум дахь сум дундын Цагдаагийн хэлтсээс мэдээлэл /Гэмт хэрэг, зөрчлийн тухай, урьдчилан сэргийлэх үйл ажиллагааны тайлан/; 2.Замын-Үүд сум дахь сум дундын Прокурорын газраас мэдээлэл /Гэмт хэрэг, зөрчлийн урьдчилан сэргийлэх чиглэлээр хийгдсэн ажлын мэдээлэл; 3.Сумын гэмт хэрэг, зөрчлөөс урьдчилан сэргийлэх үйл ажиллагааны 2023 оны төлөвлөгөөг хэлэлцэн баталлаа.

Замын-Үүд сумын хэмжээнд үйл ажиллагаа явуулж байгаа нийт Төрийн байгууллага, төрийн болон орон нутгийн өмчит хуулийн этгээдээс зохион байгуулах албан ёсны баяр, ёслолын арга хэмжээ, хүлээн авалт, хүндэтгэлийн ёслолд (18-аас дээш хувийн хатуулагтай этилийн спирт агуулсан согтууруулах ундаа) өндөр хатуулагтай этилийн спирт агуулсан архи, согтууруулах ундааг хэрэглэхийг хориглосугай.

Аймгийн ИТХ-ын хороод болон аймгийн Гэмт хэргээс урьдчилан сэргийлэх ажлыг зохицуулах салбар зөвлөлийн гишүүн байгууллагуудаас хамтарсан ажлын хэсэг 2022 оны 10 дугаар сарын 25-ны өдөр манай суманд ажиллаж байна.

ЦЕГ-ын Тээврийн Цагдаагийн алба, Замын-Үүд сум дахь Сум дундын Цагдаагийн хэлтэс, Гэмт хэргээс урьдчилан сэргийлэх ажлыг зохицуулах салбар зөвлөл хамтран тус аяны нээлтийн хүрээнд холбогдох чиг үүргийн байгууллагуудыг хамруулан зохион байгууллаа.

ДОРНОГОВЬ АЙМГИЙН ХЭМЖЭЭНД ЗОХИОН БАЙГУУЛАГДСАН ЭСЭЭ БИЧЛЭГИЙН УРАЛДААНД ЗАМЫН-ҮҮД СУМЫН ЕБС-ИЙН СУРАГЧИД ШАЛГАРЧ ШАГНАЛАА ГАРДАН АВЛАА. Дорноговь аймгийн "Гэмт хэрэг зөрчлөөс урьдчилан сэргийлэх салбар зөвлөл"-өөс зохион байгуулсан “Байгалиа хамгаалъя” сарын аяны хүрээнд хүрээлэн буй орчны гэмт хэрэг, зөрчлөөс урьдчилан сэргийлэх, гэмт хэргийн хор уршгийг иргэд, олон нийтэд таниулах зорилгоор ЕБС-ийн ахлах ангийн сурагчдын дунд “Эх болсон байгаль дэлхийгээ хайрлан, хамгаалцгаая” сэдэвт эсээ бичлэгийн уралдаанд Замын-Үүд сумаас оролцож байр эзэлсэн сурагчдад шагнал гардуулан өглөө.

Аймгийн Иргэдийн Төлөөлөгчдийн Хурлын дарга Б.Ганзориг Замын-Үүд сумын Иргэдийн Төлөөлөгчдийн Хурлын ажлын алба болон Замын-Үүд сум дахь сум дундын Цагдаагийн хэлтсийн үйл ажиллагаатай танилцаж, цаг үеийн мэдээллийг авч ажиллалаа.

Хуралдаан 2022.03.09-ний өдөр 100 хувийн ирцтэйгээр хуралдаж, дараах асуудлыг хэлэлцэв. 1. Замын-Үүд сум дахь сум дундын Шүүхээс мэдээлэл 2. Замын-Үүд сум дахь сум дундын Прокурорын газраас мэдээлэл 3. Замын-Үүд сум дахь сум дундын Цагдаагийн хэлтсээс мэдээлэл /Эрүү хэв журмын нөхцөл байдлын талаар/ 4. Замын-Үүд сумын Гэмт хэргээс урьдчилан сэргийлэх ажлыг зохицуулах салбар зөвлөлийн 2022 оны үйл ажиллагааны төлөвлөгөөг хэлэлцэн баталлаа.

Дорноговь аймгийн ИТХ, Гэмт хэргээс урьдчилан сэргийлэх ажлыг зохицуулах салбар зөвлөл /ГХУСАЗСЗ/ 2018 оны 10 сарын 17-ны өдөр Замын-Үүдэд ажиллав. Энэ үеэр сумын ГХУСАЗСЗ-ийн үйл ажиллагаатай танилцаж, үүрэг чиглэл өглөө. Мөн иргэд, төрийн ажилтан , албан хаагчидтай уулзалт хийж хууль хяналт, эрүүл мэндийн байгууллагын үйл ажиллагаа, хэрэгжүүлж буй бодлого шийдвэрийн талаар мэдээлэл өгч иргэдийн санал, хүсэлтийг хүлээн авч сонирхсон асуултанд хариулт өгч, зарим өргөдөл гомдлыг шийдвэрлэн ажиллалаа. 2018.10.17

Хар тамхи, мансууруулах бодисоос иргэдийг хамгаалах нийгэмлэгийн тэргүүн, боловсрол судлалын доктор, профессор Ш.Лхагвасүрэн Аймгийн ЭМГ-ын НЭМ-ийн мэргэжилтэн Б.Өнөржаргал нар Замын-Үүд сумын ИТХ-ын дарга Б.Анхбаяр, ЗДТГ-ын холбогдох мэргэжилтнүүдтэй уулзан ЕБС-ууд, Сумын цагдаагийн газар, Шүүх ШШГГазар,Тагнуулын хэлтэс, Нэгдсэн эмнэлэг , Өрхийн эмнэлэг, МХГ, Гаалийн газар, Сургуулиудын захирал цэцэрлэгийн арга зүйч, эрхлэгч нар, Багуудын Засаг дарга ажлын алба хэсгийн ахлагч нарт "Хар тамхи, мансууруулах бодисоос иргэдийг хамгаалах", "Дэгдэмхий хий уусгагч бодисуудын эрүүл мэндэд үзүүлэх хор хөнөөл" сэдвээр сургалт хийлээ.Уг сургалтанд 810 cурагч, 41 албан хаагчид оролцлоо. 2018.03.14

Гэмт хэргээс урьдчилан сэргийлэх ажлын хүрээнд гэр бүлийн хүчирхийллийн тухай хууль, архидан согтуурахтай тэмцэх тухай хууль, хүүхдийн эрхийг хамгаалах тухай хуулиудыг сурталчлах болон цагдаагийн ерөнхий газар, мэргэжлийн хяналтын ерөнхий газар, хүүхэд залуучуудын хөгжлийн газраас зохион байгуулж буй “Хуулиа мөрдье 21” аянд зориулж Замын-Үүд сумын ИТХ-ын гэмт хэргээс урьдчилан сэргийлэх ажлын зохицуулах салбар зөвлөл, Засаг даргын тамгын газар, сум дундын цагдаагийн хэлтэс, сумын мэргэжлийн хяналтын тасагтай хамтран “Би эргэж төрмөөргүй байна” сургамжит драмын жүжгийг замын-үүд болон өргөн сумын иргэд болон ЕБС-ын сурагчдад үзүүлж соён гэгээрүүлэх үйл ажиллагаа явууллаа. Тоглолтын ивээн тэтгэгчээр Элгэн баян ХХК, Цаст мянган ХХК, Ашиг эрдэнэ ХХК, Мандах баярт ХХК нар ажиллаа.

ЗАМЫН-ҮҮД СУМ ДУНДЫН ЦАГДААГИЙН ХЭЛТЭС ОРОН НУТГИЙН ХӨРӨНГӨ ОРУУЛАЛТААР ХОЁР АВТО МАШИНТАЙ БОЛЛОО. МӨН ЗАМЫН-ҮҮД СУМЫН ИТХ-ААС 39 САЯ ТӨГРӨГИЙГ ШИЙДВЭРЛЭЖ 41 ТЕЛЕКАМЕРЫГ ГОЛ УУЛЗВАР ГАРЦАД БАЙРШУУЛЖЭЭ. ЦААШИД ЗАМЫН-ҮҮД СУМАНД КАМЕРЖУУЛАХ АЖИЛ ҮРГЭЛЖИЛНЭ.

2017.12.27-ний өдөр Замын-Үүд сумын ГХУСАЗСЗөвлөл хуралдаж 2017 онд гишүүдийнхээ хийсэн ажлын тайланг дүгнэлээ. Мөн 2017 оны 05 сараас хойш Гэмт хэргээс урьдчилан сэргийлэх зорилгоор аян зарлаж албан байгууллага, аж ахуйн нэгжүүдээр ГХУС дэвтэр аялуулсан. Уг аянд идэвхи зүтгэлтэй оролцсон албан байгууллага, аж ахуйн нэгжүүдийг шалгаруулан шагнаж урамшууллаа. Үүнд: Хүндэт Өргөмжлөлөөр: 1. "Гүн" зочид буудал 2. "Замын-Үүд" зочид буудал 3. "Жинчин" зочид буудал Мөнгөн шагналаар: Төрийн байгууллагуудаас: 1. Сумын ЗДТГ-150.000 2. Гаалийн газар-100.000 3. Ерөнхий боловсролын 3-р сургууль-50.000 Төрийн бус байгууллагуудаас: 1. "Хөвсгөл" буудал-150.000 2. Дашюаанжил гааз-100.000 3. "Арслангийн орд" дэлгүүр-50.000 төгрөгөөр тус тус шагнагдлаа. Эдгээр албан байгууллага, аж ахуйн нэгжийн хамт олонд ажлын өндөр амжилт хүсье.

2017 оны 04 дүгээр сарын 06 -ны өдөр Гэмт хэргээс урьдчилан сэргийлэх чиглэлийн сургалтанд Улаанбаатар төмөр замын Замын-Үүд дэх зангилааны ажилчин, албан хаагчид сургалтанд хамрагдлаа.