Замын-үүд сумын Соёмбо, Хилчин, Жаргалант, Сүлд, Борхойн багийн ажлын албаны 15 албан тушаалтанд "Залилах" гэмт хэргийн нөхцөл байдлаар сургалт, зөвлөмж өгч ажиллаа. 🧑‍✈️Сургалтыг Замын-Үүд сумын сум дундын Цагдаагийн хэлтсийн Урьдчилан сэргийлэх, шуурхай удирдлагын хэсгийн дарга, цагдаагийн дэд хурандаа Ц.Баясгалан мэдээлэл хийлээ.

📋Хуралдаанаар хэлэлцэх асуудал: 1. Сумын Иргэдийн Төлөөлөгчдийн Хурлын ээлжит хуралдааны тов зарлах тухай 2. Сумын Иргэдийн Төлөөлөгчдийн Хурлын 2026 оны байгууллагын гүйцэтгэлийн төлөвлөгөөг батлах тухай 3. Сумын Иргэдийн Төлөөлөгчдийн Хурлын Төлөөлөгчдийн ээлжит болон ээлжит бус хуралдааны суудлын дарааллыг тогтоох тухай 4. Ухаалаг тоолуурын хэрэгжилт, үр дүнгийн талаар

Гуравдугаар сургуульд түшиглэн “НИЙГМИЙН УХААНЫ ТЭНХИМ” байгуулах төслийг танилцуулж, сумын Ерөнхий боловсролын сургуулийн нийгмийн ухааны салбар, чиглэлийг шимтэн суралцаж буй сурагч, багш нар тэгш хүртээмжтэйгээр ашиглах, үр дүнгээр элсэлтийн шалгалтдаа илүү амжилтыг үзүүлэх зорилгын талаар санал солилцлоо. Энэхүү санаачилгаар дамжин суралцагч нарт тэгш хүртээмжтэй боловсрол олгох зорилго дор Сумын ЕБ-ын 4 сургуулийн “МЭРГЭЖЛИЙН БҮЛГИЙН БАГШ НАР”-ын хамтын ажиллагаа, харилцан туршлага солилцох механизмыг бүрдүүлэхэд оршиж байна. “Тогтвортой хөгжилд-Бид хамтдаа” хөтөлбөр

📋Уулзалтаар хэлэлцэх асуудал: 1. Харилцаа холбооны үйл ажиллагааны талаарх танилцуулга 2. Үйлчилгээний талаар 2026 онд хэрэгжүүлэх ажлын төлөвлөгөөтэй танилцах 3. Үйлчилгээнд тулгарч буй бэрхшээл цаашид авах арга хэмжээний талаар санал солилцох

📋Сумын Гэмт хэрэг зөрчлөөс урьдчилан сэргийлэх ажлыг зохицуулах дэд салбар зөвлөлийн хуралдаанаар хэлэлцэх асуудал: 1. Сумын Гэмт хэргээс урьдчилан сэргийлэх ажлыг зохицуулах салбар зөвлөлийн 2025 оны үйл ажиллагааны тайлан 2.Сумын багийн 2026 оны статистик үзүүлэлт 3.Сумын Гэмт хэргээс урьдчилан сэргийлэх ажлыг зохицуулах салбар зөвлөлийн 2026 оны үйл ажиллагааны төлөвлөгөөний төсөл танилцуулах 4.Сумын багийн нутаг дэвсгэр дээр зохион байгуулах ажлын санал солилцох талаар хэлэлцэнэ.

📋 Сумын Ерөнхий боловсролын 4 дүгээр сургуулийн хүүхдийн үдийн хоолны хөтөлбөрийн хэрэгжилт, 📋 Төсвийн хөрөнгө оруулалтаар баригдаж буй СОЁЛЫН ОРДОН-ы барилгын гүйцэтгэл, 💡 📋 Орон нутгийн хөрөнгө оруулалтаар хэрэгжүүлж буй сумын цэцэрлэгүүдийн "STEAM" боловсролын "ШИМТ" хөтөлбөрийн хэрэгжилт болон бусад үйл ажиллагаатай танилцлаа.

📋Сумын газар зохион байгуулалтын төлөвлөгөөний байршил дээр хийгдэх орон нутгийн бүтээн байгуулалтын ажлыг эрчимжүүлэх талаар сумын Иргэдийн Төлөөлөгчдийн Хурлын Төлөөлөгчид чиглэлийг хүргүүлэв.

Замын-Үүд суманд үйл ажиллагаа явуулж буй спортын холбоодуудын 2026 оны үйл ажиллагааны төлөвлөгөө, цаашдын зорилт, тулгамдаж буй асуудал, шаардлагатай дэмжлэгийн талаар санал солилцох уулзалт зохион байгуулагдаж байна. 🖋Тус уулзалтаар спортын салбарыг хөгжүүлэхэд чиглэсэн шинэ санаа, бодит хэрэгцээ, хамтын ажиллагааг сайжруулах боломжуудыг хэлэлцэж, өсвөр үе, залуучуудын спортын оролцоог нэмэгдүүлэх, тамирчдыг дэмжих, тэмцээн уралдааны чанар, хүртээмжийг сайжруулах талаар санал, санаачилгуудыг өргөн хүрээнд хэлэлцэв. 🖋Мөн спортын холбоодын уялдаа холбоог сайжруулж, нэгдсэн төлөвлөгөөтэй, үр дүнтэй үйл ажиллагаа явуулах, цаашдын хамтын ажиллагааг бэхжүүлэхэд энэхүү уулзалт чухал ач холбогдолтой боллоо.

Сумын үйл ажиллагааны ”ТОГТВОРТОЙ ХӨГЖИЛД-БИД ХАМТДАА” хөтөлбөрийн хил орчмын аялал жуулчлалыг төр хувийн хэвшлийн түншлэлээр хөгжүүлж орон нутгийн иргэд, бизнес эрхлэгчдийн оролцоог нэмэгдүүлэх зорилтын хүрээнд сумын 1-р багт, Сүлд багийн нутаг дэвсгэрт баригдаж буй үйлчилгээний төвүүдийн төслийг хэрэгжүүлэгч ААН-ийн төлөөлөлтэй уулзалтыг зохион байгууллаа. ААН-ийн төслийн үйл ажиллагаа эхэлснээр суманд зочид буудлын хүртээмж, 150-300 хүний багтаамжтай хүлээн авалтын заал тэнхим, 100 хүний суудалтай кино театр, усан бассейн, хүүхдийн тоглоомын төв болон Пицца Хатын салбар сүлжээ, худалдаа үйлчилгээ салбарууд нээгдэхээр төлөвлөгдөж буйг сумаас баримтлах аялал жуулчлалын бодлоготой уялдуулах талаар саналыг солилцож, үйлчилгээний зөвшөөрөл, үйл ажиллагааг эхлүүлэхэд анхаарах асуудлын талаарх зөвлөмж, мэдээллийг өглөө.

Замын-Үүд сумын Ерөнхий боловсролын 1 дүгээр сургуулийн 960 хүүхдийн сургууль шинээр ашиглалтад орохоор бүтээн байгуулалтын ажил хийгдэж байна. Гадна талын ажлын явц 70 хувийн гүйцэтгэлтэй, дотор талын ажил 60 орчим хувийн гүйцэтгэлтэй явагдаж, 2026 онд төлөвлөгөөт хугацаандаа ашиглалтад оруулахаар ажиллаж буйг гүйцэтгэгч аж ахуй нэгжээс мэдэгдлээ.

🔍 Сумын үйл ажиллагааны ”ТОГТВОРТОЙ ХӨГЖИЛД-БИД ХАМТДАА” хөтөлбөрийн хүрээнд жилд дунджаар 750 өрх, айлын орон сууцыг ашиглалтад оруулснаар 2024-2028 оны хугацаанд дэвшүүлсэн Замын-Үүд суманд 3000 айлын орон сууц хөтөлбөрийг хэрэгжүүлж өрхийн хэрэгцээг шийдвэрлэх боломжтой тул бүтээн байгуулалт, барилгажилтын ажилтай уялдуулан Замын-Үүд суман дахь арилжааны банкуудад олгох орон сууцны хөнгөлөлттэй зээлийн санхүүжилтийн эх үүсвэрийн хэмжээг нэмэгдүүлэх арга хэмжээг авч ажиллахыг ДОРНОГОВЬ АЙМАГ ДАХЬ МОНГОЛ БАНКНЫ САЛБАРТ уламжиллаа. 📌Дорноговь аймгийн 10000 айл хөтөлбөрийн хүрээнд: 🔍“Говийн төмөр замчид хөтөлбөр”-ийн 108 айлын орон сууц, “Хилийн хяналтын байгууллагын ажиллагсдын орон сууц хөтөлбөр”-ийн 54 айлын орон сууц, Санни Апартмент 24 айлын орон сууц ашиглалтад орно. 🔍“Мандах наран хороолол” төслийн 3 дахь үе шатны барилга угсралтын ажил эхлэх бөгөөд тус төсөлд “Түрээсийн орон сууц хөтөлбөр”-ийг хэрэгжүүлнэ. 🔍 Замын-Үүд сумын Жаргалант багийн нутаг дэвсгэрт 2026 оны газар зохион байгуулалтын төлөвлөгөөнд амины орон сууцны зориулалтаар 12300 м2, 9 ба түүнээс дээш давхар нийтийн орон сууцны зориулалтаар 3000 м2, 5000 м2 талбай бүхий газрыг дуудлага худалдааны журмаар олгохоор төлөвлөсөн байна.

Хуралдаанаар хэлэлцсэн асуудал: 1. Монгол Улсын Ерөнхий Сайдын айлчлалын талаарх мэдээллийн талаар 2. Сумын Иргэдийн Төлөөлөгчдийн Хурлын ажлын алба болон хороодын 2026 оны төлөвлөгөөнд тусгах ажлын талаар 3. Иргэн Д.Цэцгээгийн гаргаж буй өргөдөл, хүсэлтийн талаар хэлэлцэв.

ҮНДСЭН ХУУЛИЙН ӨДРИЙГ ТОХИОЛДУУЛАН ДОРНОГОВЬ АЙМГИЙН ЗАМЫН-ҮҮД СУМАНД ҮЙЛ АЖИЛЛАГАА ЯВУУЛЖ БУЙ БАНКУУДЫН САЛБАРЫН УДИРДЛАГУУДТАЙ УУЛЗАЛТ ЗОХИОН БАЙГУУЛАВ.

Жил бүрийн 01 дүгээр сарын 13-ны өдрийг ҮНДСЭН ХУУЛИЙН ӨДӨР болгон нийтээр тэмдэглэдэг бөгөөд энэ жил шинэ Үндсэн хууль батлагдсаны 34 жилийн ой тохиож байна.

Арга хэмжээний хүрээнд сурагчид хилийн зэвсэг, цэргийн алба хаагчдын ажиллах орчин, Замын-Үүд боомтын үйл ажиллагаа, сургалтын нохдын үйл ажиллагаатай танилцаж, эх орныхоо тусгаар тогтнол, үндэсний аюулгүй байдлын ач холбогдлын талаар мэдээлэл авлаа.

Монгол Улсын Ерөнхий сайд Г.Занданшатар, Монгол Улсын Сангийн сайд Б.Жавхлан, Монгол Улсын Зам, тээврийн сайд Б.Дэлгэрсайхан болон холбогдох албаныхан, аймаг орон нутгийн удирдлагууд Замын-Үүд суманд ажиллаж байна.

Монгол Улсын Ерөнхий сайд Г.Занданшатар, Монгол Улсын Сангийн сайд Б.Жавхлан, Монгол Улсын Зам, тээврийн сайд Б.Дэлгэрсайхан болон холбогдох албаныхан, аймаг орон нутгийн удирдлагууд Замын-Үүд суманд ажиллаж иргэдтэй уулзалт хийв.

ЗАМЫН-ҮҮД СУМЫН ОЮУТНУУДАД ТЭТГЭЛЭГ ОЛГОВ. Сумын Иргэдийн Төлөөлөгчдийн Хурлын Зөвлөлийн дөрөвдүгээр хуралдаанаар: Хурлын нэрэмжит “Оюутны тэтгэлэгт” хөтөлбөрт хамрагдахаар ирүүлсэн хүсэлтийг хэлэлцлээ. Хуралдаанаар сумын ИТХ-ын нэрэмжит "Оюутны тэтгэлэгт" хөтөлбөрт нийт 11 оюутан хамруулахаар шийдвэрлэж, 9 оюутанд тус тус 1,000,000 төгрөгийн сургалтын төлбөрийн тэтгэлэг, анх элсэж буй 2 оюутанд 500,000 төгрөгийн сургалтын тэтгэлэг олгоно. Тэтгэлэг хөтөлбөрт 2-3 дахь жилдээ хамрагдаж улмаар 2026 оны хичээлийн жилээр төгсөн, эзэмшсэн мэргэжлээрээ орон нутагтаа эрүүл мэндийн салбарт, боловсролын салбарт ажиллах боловсон хүчин бэлтгэгдэж байна. 2025.08.28

✅ 3Х3 САГСАН БӨМБӨГИЙН АВАРГА ШАЛГАРУУЛАХ ТЭМЦЭЭНИЙГ ЗАМЫН-ҮҮД СУМЫН ИТХ-ЫН АЖЛЫН АЛБА, ХААН БАНКНЫ ЗАМЫН-ҮҮД САЛБАРТАЙ ХАМТРАН ЗОХИОН БАЙГУУЛЖ БАЙНА. Хаан банк 30 жилийн ойн хүрээндээ 2021 онд 21 аймаг, Зүүнхараа, Замын-Үүд болон нийслэлийн найман дүүрэгт 3х3 сагсан бөмбөгийн жишиг талбай байгуулж, хүүхэд залуусын чөлөөт цагийг зөв боловсон өнгөрүүлэх, спортоор хичээллэх орчныг бүрдүүлсэн. Тус санаачилгын үргэлжлэл болгож жил бүрийн намар орон даяар сагсан бөмбөг сонирхогч хүүхэд, залуусын дунд 3х3 сагсан бөмбөгийн тэмцээнийг зохион байгуулсаар ирсэн. Энэхүү тэмцээн Замын-Үүд суманд эхэлж ерөнхий боловсролын 9-12 дугаар ангийн эрэгтэй, эмэгтэй багууд өрсөлдөж байна. Тэмцээн улс орон даяар 3 үе шаттай явагдах бөгөөд эхний шатнаас шалгарсан баг тамирчид бүсийн аваргад өрсөлдөж, бүсдээ шалгарсан тохиолдолд улсын аваргын төлөө хүч сорих юм. Тэмцээнд амжилттай оролцож эрэгтэй, эмэгтэй төрөлд тэргүүлсэн баг тамирчдад тус бүр 1.000.000 төгрөг, 2 дугаар байрт шалгарсан баг тус бүрд 700.000 төгрөгийн санхүүжилтийг Хаан банк хариуцан ажиллаж байна. Хүүхэд залуусын хөгжлийг дэмжин олон талт үйл ажиллагаа зохион байгуулан ажиллаж буй тус банкны хамт олонд талархал илэрхийлье.👏👏👏 2025.08.19