Замын-Үүд сумын үндсэн стратегибол Замын-Үүдчүүдийнхээ оюун ухаанд хөрөнгө оруулалт хийх соён гэгээрүүлэх үйл явц юм. Энэ эрхэм зорилгоо хэрэгжүүлэхийн тулд сэтгэл зүйн элэгсэг гэр бүл / гэр бүлийн хүчирхийллийн эсрэг / тайван амьдрал / архидалтын эсрэг / иргэдийн эрх зүйн боловсролын, ургийн бичгийн, соёлын, инженер-эдийн засагчдийн зэрэг 8 дэд клуб ажиллаж эхэллээ. Дээрх 8 дэд клуб нь Замын-Үүдчүүдийн маань өмнө тулгамдаж буй найман асуудалд манлайлан оролцож, төрийн зарим үүргийг төрийн бус байгууллагынхаа хувьд гүйцэтгэх юм.
Тус клуб нь ямар нэгэн байгууллага, аж ахуйн нэгжид хандсан үйл ажиллагаа явуулах бус зөвхөн иргэн таны өмнө тохиолдож байгаа бэрхшээлийг шийдэхэд байнгын анхаарал хандуулах болно. 2015 оны 11 сард багтаан Дорноговь аймгийн нутгийн зөвлөлийн дэргэдэх Замын-Үүд клубын 3 жилийн стратегийг боловсруулан хэрэгжүүлж эхлэх учраас иргэд дээрх 8 чиглэлд санал бодлоо өгвөл тус клуб хүлээн авч хэрэгжүүлэхийн төлөө чармайн ажиллах болно. Мөн сэтгэл зүйчийн өрөө, сургалт, уулзалт хийх байрыг тохижуулах ажиллаж, фэйсбүүк, / Замын-Үүд клуб / итгэлт утас / 96969545 / өө рийн хаягийн хуудсыг иргэдэд хүргэж эхлээд байна.
/ 2015 оны 7 дугаар сарын мэдээ /