Замын-Үүд сумын нэгдсэн эмнэлэгт "Өсвөр үеийн клиник" төв нь 2016 оны 1 дүгээр сарын 15-ны өдрөөс эхлэн үйл ажиллагаагаа явуулж эхэллээ.
 Энэхүү төв нь Швецарийн хөгжлийн агентлаг, Люксембургийн Засгийн газар, НҮБ-ын Хүн амын сангийн төслийн хүрээнд 22.187.330 төгрөгийн хөрөнгө оруулалтаар тус төвийн 2 өрөө, хүлээлгийн танхим, ариун цэврийн өрөөг шинээр тохижуулсан ба 12.934.000 төгрөгийн хөрөнгө оруулалтаар "Инженерийн авъяас" ХХК засварын ажлыг хийж гүйцэтгэсэн.
Тус клиник төв нь Замын-Үүд сумын хэмжээнд 10-19 насны өсвөр үеийн хүүхэд, залууст эрүүл мэндийн тусламж үйлчилгээ, зөвөлгөө, шинжилгээ, сургалт, сурталчилгаа болон нууцыг хадгалсан нэг цэгийн үйлчилгээ үзүүлэх зорилготой ажиллах юм.