ОХУ-ын Курск хотод 28 орны 1000 гаруй тамирчдын дунд зохион байгуулагдсан Powerlifting-ийн дэлхийн цомын аваргын тэмцээн 2015.08.12-ноос 16-ны өдрүүдэд зохион байгуулагдсан байна. Тус тэмцээнд Замын-Үүд сумын 3 тамирчин амжилттай оролцож дэлхийн цомын аварга боллоо. Спортын дэд мастер, аймгийн начин Л. Ариунжаргал хүчний 3 төрөлтийн 100 кг-ийн төрлийн М1 ангилалд оролцож 1-р байранд орж алтан медалаар шагнуулсан бөгөөд ОУХМ цолны болзлыг хангаад байна. Спортын дэд мастер Б. Өнөрбат таталтын төрөлд 230 кг татаж дэлхийн аварга, Д. Алтанхуяг шахалтын төрөлд оролцож 130 кг шахаж дэлхийн аварга болсон байна.
Мөн Азийн пауэрлиптингийн холбооноос зохион байгуулсан Powerliftin-н хүчний 3 төрөлтийн Ази тивийн аварга шалгаруулах тэмцээн 2015.07.20-ноос 26-ны өдрүүдэд зохион байгуулагдсан ба манай сумын тамирчин спортын дэд мастер Л.Ариунжаргал дасгалжуулагч Б. Өнөрбатын хамт 105 кг-ийн жинд амжилттай оролж алтан медаль хүртлээ. Дээрхи амжилтуудыг нь үнэлж Засаг даргын Хүндэт жуух, Өргөмжлөл мөнгөн шагналаар тус тус шагналаа.
