2015 оны 05 сарын 02-ны өдөр Дорноговь аймгийн сумдын “ИХ ГОВИЙН АРДЫН АВЬЯАСТАН НААДАМ” Замын-Үүд хотноо амжилттай зохион байгууллаа.

Тус наадамд 5 сумын 200 гаруй ардын авьяастан оролцсоноос:

Замын-Үүд сум 124,8 оноогоор “Тэргүүн байр”

Дэлгэрэх сум 109 оноогоор “Дэд байр”

Өргөн сум 107,5 оноогоор “Гутгаар байр”

Даланжаргалан сум 104,9 оноогоор “Тусгай байр” тус тус эзэллээ.

Мөн багийн мэндчилгээ, уртын дуу, ардын харилцаа дуу, гоцлол бүжиг, хамтлаг хөгжим, ардын богино дуу, хамтлаг бүжиг, гоцлол хөгжим, язгуур урлаг гэсэн 9 төрлөөр шилдгийн төлөө өрсөлдөж дараах 8 номинаци шилдгээр шалгарлаа.

Уртын дуу номинацид “Эрдэнэ засгийн унага” дуугаар Даланжаргалан сумын ардын авьяастан Э.Бат-Эрдэнэ

Ардын харилцаа дуу номинацид “Хадтай буттай” дуугаар Замын-Үүд сумын ардын авьяастан н.Мөнхдалай, н.Гэрэлтөр, н.Долгор нар

Гоцлол бүжиг номинацид “Аягат” бүжгээр Өргөн сумын ардын авьяастан Б.Гантуяа

Хамтлаг хөгжим номинацид “Үзэсгэлэн гоо”, “Шидэн хуар” хоёр дууны найруулгаар Замын-Үүд сумын ардын хөгжмийн цөөхүүл

Ардын богино дуу номинацид “Янлин хуар” дуугаар Айраг сумын ардын авьяастан А.Жаргалбаяр

Хамтлаг бүжиг номинацид “Монгол угсаатны уламжлалын бүжгээр” Замын-Үүд сумын ардын авьяастнууд

Гоцлол хөгжим номинацид “Говийн жонон” аялгуугаар Дэлгэрэх сумын ардын авьяастан Х.Болдбаатар

Язгуур урлаг номинацид “Хоожиймаа” исгэрээгээр Даланжаргалан сумын ардын авьяастан Ц.Нармандах нар тус тус шилдгээр шалгарлаа.

Та бүхнийг урлагийн Янжинлхам бурхан мөнхөд ивээг.