Монгол Улсын Засгийн газрын Шинэ сэргэлтийн бодлогын хүрээнд Дорноговь аймгийн хилийн Замын-Үүд боомтыг олон улсын жишигт нийцүүлэн өргөтгөн шинэчлэх ажлыг Сангийн яам удирдлагаар хангаж, зохион байгуулан ажиллалаа.

Энэ хүрээнд “Хөгжлийн хөтөч-Дэд бүтэц” төслийн нэгжийн гүйцэтгэлээр хилийн хамгийн том боомт болох Замын-Үүд боомт 01 дүгээр сарын 08-ны өдрөөс эхлэн олон улсын жишигт нийцсэн ШИНЭ зорчигч тээврийн хэсгээ нээж, хил гаалийн шалган нэвтрүүлэх хэсгүүд сүүлийн үеийн тоног төхөөрөмжөөр шинэчлэгдэж, улам нарийвчилсан арга технологиуд нэвтрүүлэв.