БНХАУ-аас Дорноговь аймгийн Замын-Үүд суманд суух Ерөнхий консулын газрын ерөнхий консул Ли Яньжюнь Замын-Үүд сумын ИТХ-ын дарга Н.Алдарбаяр, сумын Нэгдсэн эмнэлэгийн дарга У.Энхмаа нарыг 2021 оны 04 дүгээр сарын 26-ны өдөр хүлээн авч уулзав. Уулзалтаар хоёр тал 2021 онд дэлхий нийтийг хамарсан Ковид-19 цар тахалтай тэмцэх болон бусад асуудлаар хамтран ажиллах талаар санал солилцож, цаг үеийн тодорхой асуудлуудаар ярилцлав. Мөн БНХАУ-аас Дорноговь аймгийн Замын-Үүд суманд суух Ерөнхий консулын газраас Замын-Үүд сумын Нэгдсэн эмнэлэгт эрүүл мэндийн даатгалын цахим системд шилжиж байгаад нь зориулж иж бүрэн 20 компьютерын хөрөнгийг шийдвэрлэн өглөө.