2017 оны 03 дугаар сарын 31-ний өдөр Эрээн хотын Засаг даргын орлогч н. Саранчимэг тэргүүтэй төлөөлөгчдийг Замын-Үүд сумын Засаг дарга Н. Алдбарбаяр хүлээн авч уулзлаа. Айлчлалын бүрэлдэхүүнд Ардын тэргүүлэгчдийн их хурлын байнгын орлогч дарга Тэн Юн Хун, Аялал жуулчлалын газрын дарга Жан Ин Же, Гадаад харилцааны албаны дарга Нарс, Хил орчмын худалдааны чөлөөт бүсийн ажилтан Мөрөн зэрэг төлөөлөгчид хүрэлцэн ирэв. Уулзалтаар хил орчмын аялал жуулчлалын хөгжил, Хил орчмын Аялал жуулчлалын хөгжил, Хил орчмын худалдааны чөлөөт бүсийн асуудал, Соёл, боловсрол, эрүүл мэнд, биеийн тамир, ногоон байгууламжийн салбарт хамтран ажиллах талаар санал солилцох уулзалт хийж, дараагийн уулзалтаар хэлэлцэн тохиролцсон асуудлуудаар санамж бичигт гарын үсэг зурахаар санал нэгдсэн байна.